253分

終於完成第一次馬拉松賽事,內心好興奮.記得起跑時有朋友問我有無set自己跑幾多時間,我就答佢"無,只要完成就心滿意足."可能係無壓力下跑嘅問題,在跑到頭十公里時望望手錶,時間剛剛一小時,自覺幾好,到二十公里時見到大會嘅checkpoint大鐘係一小時五十一分,可能頭十公里熱身完,所以第二個十公里就快咗小小,呢個時候就開始對自己体能多咗信心,希望餘下二十二公里可以keep住咁嘅時間,自已開始set個時間可望四小時內完成.到第三個十公里,總時間係兩小時五十一分完成.仲有十二公里路程,我覺得四小時內應該無可能,因為仲有西隧,西環,上環,中環嘅斜路,加上体力透支嘅問題,所以決定乜都唔理,只要不停跑,堅持唔行路,無論用幾多時間都好,挑戰自已意志,其實係同自己比賽.我發覺每一個歡呼聲都係一個無比嘅支持,好多謝每一個有分叫我加油嘅工作人員,佢地令我在体力下降時注滿動力而完成我的馬拉松,對今成績好滿意,四小時十三分.渣打馬拉松下年再見